SISD – BAIRRO PITE, 22 JULLU 2026 – Sekretaria Estado ba Komunikasaun Sosial kontinua establese Sentru Informasaun Suku Dijital iha Suku Bairro Pite hodi fasilita komunidade sira asesu ba informasaun.
Xefi Suku Bairro Pite, Joaninha Alve Soares ba Sentru Informasaun Suku Dijital Bairro Pite, Tersa (21/07) semana ne’e, iha ninia servisu fatin hateten nia sente kontente no agradese tanba governu da-sia liu husi SEKOMS bele transforma ona Bairro Pite ba Suku Dijital.
“Sente kontenti, previlejiu tanba ita bele transforma ona informasaun hotu-hotu ba dijital, agradese tebes ba Governu da IX liu husi Secretaria Estado ba komunikasaun social (SECOMS), bele iha hanoin hodi instala iha territoriu Timor laran tomak ba iha dijitalijasaun liu husi informasaun sira”, dehan Xefi Suku Bairro Pite.
Xefi Suco ne’e mos haktuir katak Suco Bairro Pite kobre Aldeias ruanulo resin ne’en (26), entaun ami tenki hare’e liu ba iha fatin turistika sira, fatin historiku sira, para bele sai mos rekursu ida ba iha suco Bairro Pite.
“Wainhira ami partilla iha ami nia website no uja dijital, bele atrai turista sira husi rai seluk no bele mos konsidera hanesan istorika iha Timor liu-liu ba Suku ida ne’e nian”, Xefi Suco ne’e hateten.
Hau nia mensajen ba komunidade agora dadauk foin implementa iha suku deit espera katak estadu ida ne’e, hare kuandu dijital ne’e mak forma ona no eduka ona ema liu husi transforma informasaun hotu husi fatin ida ba fatin ida mak nia efetividade ne’e bo’ot tebes, bele Governu ka estadu da sia (IX) ida ne’e tenki melhores liutan atu nune’e ita nia komunidade sira ne’ebe mak hela iha area rural sira ne’e la persija tenki gasta osan mai to’o iha sentru ida ne’ebe mak fasilita sira. Ejemplu hanesan Sede Suku ne’e sentru administrasaun publiku maibe sasukat los ho distansia dok, hau fiar katak Governu sira bele hare didiak ninia vantajem no desvantajem I ninia efetividade no benefisiaria ne’e ba se.
Nune’e mos Geronimo Tilman hanesan mos formando ida iha formasaun Jornalismu baziku ba Suku Dijital hateten formasaun ne’e importante tebes no ne’e hanesan oportunidade diak ida hodi dijitáliza informasaun sira iha nivel Suku.
“Hau sente kontente tamba bele iha oportunidade hodi partesipa iha formasaun refere tanba ho formasaun ne’e bele ajuda hau hodi aumenta liu haunia koñesementu báziku kona bá servisu jornalismu nian”, Formando ne’e hateten.
Tuir Geronimo katak ho estabelesementu plataforma suku dijital iha Baorro Pite bele ajuda ona servisu suco nian hodi fahe informasaun b akomunidade liu husi website ne’ebe establese dadaun.
“Estabelesementu Suku dijitál iha Suku Bairru-Píte, bele ajuda informasaun kona bá atividade hirak ne’ebé Suku halo, tanba ne’e agradese bá Governu nia politiku ne’ebé bele estabelese ona Sistema ka plataforma dijitál iha Suku Bairru-Píte, tamba antes ne’e Suku sira so utiliza de’it plataforma media sosiál hanesan online maka hodi fahe informasaun bá komunidade sira, maibe ho estabelesementu Suku dijitál ne’e, bele ajuda autoridade lokál sira hodi fahe informasaun lais liu no komunidade sira bele asesu ho di’ak liu tan”, tenik Geronimo.
formando ne’e hatutan, depois de remata formasaun no estabelese tiha website suku nian, nia parte prontu atu kontribui ba publiksaun informasaun konaba programa, atividades suku nian liu husi website ne’ebe maka kria tiha ona.
Hakerek Nain : Ekipa SISD Bairro Pite
Editor : Ekipa Formador JPD – SEKOMS
