Hodi naran Konsellu Suku no komunidade Suku Bairro-Pite tomak, ha'u nu'udar Xefe Suku, hakarak hato'o ami-nia apresiasaun ne'ebé kle'an no Agradesimentu boot ba Sekretária Estadu Komunikasaun Sosiál (SEKOMS) tanba fó ona apoiu tomak hodi kria no dezenvolve ami-nia website ofisial: https://bairro-pite.suku.tl . Ami sente orgullu ho kolaborasaun ne'ebé di'ak tebes ida-ne'e. Ami fiar katak:

• Asesu ba Informasaun: Website ne'e sei sai hanesan janela ida ne'ebé nakloke ba públiku hodi koñese di'ak liután ami-nia suku;
• Modernijasaun: Importante tebes hodi apoiu serbisu administrasaun Suku iha era dijitalizasaun;
• Transparante: Fasilita programa no atividade suku nian ba dezenvolvimentu iha setor hotu-hotu ho lais liu. 

Agradese mós ba ekipa téknika SEKOMS nian ne'ebé serbisu maka'as hodi realiza pedidu ida-ne'e. Ha'u prontu atu garante nafatin hodi jere no uza plataforma ne'e ba interese povu nian. Espera katak parseria ida-ne'e bele sai ezemplu ba suku sira seluk hodi hametin komunikasaun entre governu no komunidade. Ba Maromak nian tulun no ba SEKOMS nia laran-luak, ami hato'o obrigadu barak.

Asinatura

Joaninha Alves Soares
Chefe do Suco Bairro-Pite